Thales
lögfræðiþjónusta
Við leggjum áherslu á að veita viðskiptavinum okkar faglega og trausta þjónustu
sem byggist á áratuga þekkingu og reynslu.
Thales lögfræðiþjónusta
Þjónusta okkar felst í lögfræðilegri ráðgjöf, gerð álitsgerða, minnisblaða, umsagna, samninga- og skjalagerð, sáttamiðlun, rekstri mála fyrir stjórnvöldum, kæru- og úrskurðarnefndum sem og málarekstri fyrir dómstólum, þar með talið Mannréttindadómstól Evrópu og öðrum alþjóðlegum stofnunum.
dr. Davíð Þór Björgvinsson hrl.
Davíð Þór er með embættispróf í lögfræði frá Háskóla Íslands, BA próf í sagnfræði og heimspeki frá Háskóla Íslands, LLM próf frá Duke University School of Law í Norður Karólínu í Bandaríkjunum og doktorspróf frá Háskólanum í Strassborg í Frakklandi.
Davíð Þór var dómari við Mannréttindadómstól Evrópu og dómari og varaforseti Landsréttar. Davíð Þór var fulltrúi borgaradómara og lögfræðingur við EFTA dómstólinn, fyrst í Genf í Sviss en síðar í Lúxemborg.
Davíð Þór hefur gegnt stöðu prófessors við lagadeild Háskóla Íslands, lagadeild Háskólans í Reykjavík, lagadeild Háskólans á Akureyri og lagadeild Háskólans í Kaupmannahöfn.
Davíð Þór hefur verið settur dómari við Hæstarétt og Endurupptökudóm, og auk þess setið í gerðardómum og fjölda nefnda um samningu lagafrumvarpa, úrskurðarnefndum o.fl.
Davíð Þór var settur ríkissaksóknari við endurupptöku Guðmundar- og Geirfinnsmáls á árunum 2014-2018.
Davíð Þór hefur skrifað fjölda bóka, ritrýndra fræðigreina og styttri greina um lögfræði og almenn málefni meðal annars í blöð og tímarit sem og á vefsíðu sína Juris Prudentia og haldið fyrirlestra víða um heim.
Hér eru nánari upplýsingar um menntun og störf Davíðs Þórs Björgvinssonar: Menntun og störf
Eigendur
Guðfinna Jóh. Guðmundsdóttir lögmaður
Guðfinna er með embættispróf í lögfræði frá Háskóla Íslands. Guðfinna hefur starfað sem lögmaður en einnig sem fulltrúi sýslumannsins í Vestmannaeyjum og sem lögfræðingur í félagsmálaráðuneytinu, hjá Íbúðalánasjóði, Húsnæðisstofnun ríkisins og á framkvæmda- og eignasviði Reykjavíkurborgar.
Guðfinna stofnaði Fasteignamál Lögmannsstofa árið 2002 og hefur sérhæft sig í lögfræðimálum sem varða fasteignir svo sem gallamálum, fjöleignarhúsamálum, húsaleigumálum, skipulags- og byggingarmálum.
Guðfinna hefur tekið þátt í gerð lagafrumvarpa, reglugerða, úrskurða og álitsgerða, verið í stjórnum, nefndum og ráðum, kennt og haldið fyrirlestra um fasteignamál og lagareglur á því sviði svo sem á námskeiði til löggildingar fasteigna-, fyrirtækja- og skipasala, námskeiði í gerð eignaskiptayfirlýsinga, námskeiði til réttinda leigumiðlunar, námskeiði fyrir mannvirkjahönnuði og námskeiði fyrir matsmenn, hjá Endurmenntun Háskóla Íslands, Háskólanum í Reykjavík, Félagi fasteignasala, Lögmannafélagi Íslands, Lagnafélagi Íslands, Steinsteypufélagi Íslands, á samnorrænni ráðstefnu, Landshlutafundi skráningaraðila í Landskrá fasteigna og fyrir starfsmenn fyrirtækja, stofnana og sveitarfélaga.
Guðfinna var borgarfulltrúi 2014–2018 og sat meðal annars í borgarráði, umhverfis- og skipulagsráði, forsætisnefnd og loftlagshópi borgarstjóra. Guðfinna var formaður prófnefndar eignaskiptayfirlýsinga 2008-2022, formaður prófnefndar leigumiðlara 1999-2019, formaður kærunefndar húsamála 2011-2013, í stjórn Sáttar, félags um sáttamiðlun, 2021-2023, í stjórn Landsvirkjunar 2018-2021, í stjórn Húseigendafélagsins 2002–2011 og 2018-2020 og í stjórn Búseta húsnæðissamvinnufélags 2005–2008. Þá var Guðfinna ritari kærunefndar fjöleignarhúsamála og kærunefndar húsaleigumála (nú kærunefnd húsamála) 1997–2002.
Við vinnum markvisst að því að gæta hagsmuni viðskiptavina okkar og ná sem bestum árangri í hverju máli þar með talið með málarekstri fyrir dómi ef með þarf.
